༆ །ཤིང་མཁར་བདེ་ཆེན་ཆོས་གླིང་དགའ་ལ་སྐྱིད།།
སྐྱིད་ལ་སྤྲོ་བའི་གླུ་དབྱངས་མཆོད་པ་ཕུལ།།
མཆོད་པ་ཀུན་མཁྱེན་ཡབ་སྲས་མདུན་དུ་ཕུལ།།
གནས་མཆོག་ཆོས་ལ་བཀོད་པའི་དངོས་གྲུབ་ཡོད།།
ཤིང་མཁར་བདེ་ཆེན་ཆོས་གླིང་དགའ་ལ་སྐྱིད།།
སྐྱིད་ལ་སྤྲོ་བའི་ཞབས་བྲོ་མདུན་དུ་ཁྲབ།།
མདུན་དུ་མཆོད་པ་སྣ་ཚོགས་སྤུངས་སེ་སྤུངས།།
ལོངས་སྤྱོད་ཟད་པ་མེད་དངོས་གྲུབ་ཡོད།།
ཤིང་མཁར་བདེ་ཆེན་ཆོས་གླིང་དགའ་ལ་སྐྱིད།།
སྐྱིད་ལ་སྤྲོ་བའི་ཞབས་བྲོ་གཡས་སུ་ཁྲབ།།
གཡས་སུ་དཔའ་བོའི་འགྲོ་བརྡུང་ཁྲབ་སེ་ཁྲབ།།
གཡས་ཀྱི་གྲིབ་པ་དག་པའི་དངོས་གྲུབ་ཡོད།།
ཤིང་མཁར་བདེ་ཆེན་ཆོས་གླིང་དགའ་ལ་སྐྱིད།།
སྐྱིད་ལ་སྤྲོ་བའི་ཞབས་བྲོ་གཡོན་དུ་ཁྲབ།།
གཡོན་དུ་དཔའ་མོའི་མགར་འཆམ་འཆམ་སེ་འཆམ།།
གཡོན་གྱི་གྲིབ་པ་དག་པའི་དངོས་གྲུབ་ཡོད།།
ཤིང་མཁར་བདེ་ཆེན་ཆོས་གླིང་དགའ་ལ་སྐྱིད།།
སྐྱིད་ལ་སྤྲོ་བའི་ཞབས་བྲོ་དབུས་སུ་ཁྲབ།།
དབུས་ན་ནོར་བུའི་བང་མཛོད་འཁྱི་ལི་ལི།།
བུ་ནོར་དར་ཞིང་རྒྱས་པའི་དངོས་གྲུབ་ཡོད།།
ཤིང་མཁར་བདེ་ཆེན་ཆོས་གླིང་དགའ་ལ་སྐྱིད།།
སྐྱིད་ལ་སྤྲོ་བའི་ཞབས་བྲོ་རྒྱབ་ཏུ་ཁྲབ།།
རྒྱབ་བསྟན་ལྷ་དང་སྲུང་མའི་གདོང་གྲོགས་མཛད།།
སྐུ་མཆོག་གྱུར་བ་མེད་པའི་དངོས་གྲུབ་ཡོད།།
ཤིང་བླ་ཀུན་བཟང་དབང་ཕྱུགས་པས་སོ།། བདེ་ལེགས་སུ་གྱུར་ཅིག །
No comments:
Post a Comment